სომხეთის პრემიერ-მინისტრის, ნიკოლ ფაშინიანის განცხადებით, სომხეთში ეკლესია „ანტიქრისტიანულმა, ანტიეროვნულმა და ანტისახელმწიფოებრივმა“ დაჯგუფებამ მიიტაცა.
ფაშინიანის თქმით, ამ საქმეს ის თავად უხელმძღვანელებს.
„ამ პერიოდში არსებული ყველა დავის მიღმა, ყველაზე მნიშვნელოვანი გამოვლინდა: კტრიჩ ნერსისიანს (სომეხთა კათოლიკოსის, გარეგინ II-ს საერო სახელი) ვაზგენ გალსტიანს, გევორგ აჯაფახიანს და ზოგიერთ სხვას იესო ქრისტესთან და მის სწავლებებთან არანაირი კავშირი ან კონტაქტი არ გააჩნიათ. იესო ქრისტეს სახლი ანტიქრისტიანულ, დოგმატურ, ანტიეროვნულ, ანტისახელმწიფოებრივ ჯგუფს აქვს მიტაცებული და ის უნდა გათავისუფლდეს. ამ გათავისუფლებას მე ვუხელმძღვანელებ“, – წერს სომხეთის პრემიერი სოციალურ ქსელში.
შეგახსენებთ, რამდენიმე კვირაა, დაპირისპირება გრძელდება სომხეთის ხელისუფლებასა და სამოციქულო ეკლესიას შორის.
ფაშინიანი სომეხთა კათოლიკოსს, გარეგინ II-ს გადადგომისკენ მოუწოდებს.
სომეხმა სამართალდამცავებმა, ტერორისტული აქტების მომზადებისა და ძალაუფლების ხელში ჩაგდების მცდელობის საქმეზე მიმდინარე გამოძიების ფარგლებში, რამდენიმე პირი დააკავეს, მათ შორის, შირაკის ეპარქიის მთავარეპისკოპოსი მიქაელ აჯაფახიანი და სომხეთის ეკლესიის მთავარეპისკოპოსი ბაგრატ გალსტანიანი.