კრემლის პრესსპიკერმა, დიმიტრი პესკოვმა რუსეთ-აზერბაიჯანის ურთიერთობის საკითხის შესახებ ისაუბრა.
„ჩვენ ახლაც მიგვაჩნია, რომ ლოგიკა მხოლოდ ერთ რამეზე მეტყველებს: რუსეთი და აზერბაიჯანი არიან და უნდა დარჩნენ უახლოეს პარტნიორებად, მოკავშირეებად, ქვეყნებად. ჩვენ გვაერთიანებს საერთო ისტორია, საერთო აწმყო, საერთო მომავალი. შექმნილი პრობლემები კონსტრუქციული გზით უნდა დარეგულირდეს“, – განაცხადა პესკოვმა.
შეგახსენებთ, ბოლო დღეებში რუსეთსა და აზერბაიჯანს შორის ურთიერთობა უკიდურესად დაიძაბა, რაც რუსეთში აზერბაიჯანელებზე ძალადობით დაიწყო.