ესენი ტერორიზმისკენ უბიძგებენ ხალხს. მაგრამ, მთავარია, ახლა რაციონალური ფიქრის უნარი არ დავკარგოთ. პირველ რიგში, საკუთარი თავის გასაგონად ვამბობ ამას – რადგან თავში ამ წუთებში ამათზე შურისძიების ყველა სცენარი მიტრიალებს – ასე ეხმაურება ჟურნალისტი, “მთავარი არხის” ტელეწამყვანი ეკა კვესიტაძე “ფეისბუქის” პირად გვერდზე, გლდანის ციხის საავადმყოფოში მიხეილ სააკაშვილის შეყვანის კადრებს, რომელიც ცოტა ხნის წინ სპეციალურმა პენიტენციურმა სამსახურმა გაასაჯაროვა.
“იმ თვითმკვლელი ნაბიჯებს, რასაც ახლა რუსი ოლიგარქი დგამს, აქვს ერთადერთი ახსნა – პუტინისგან იღებს პირდაპირ დავალებებს ამ ქვეყნის მესამე პრეზიდენტის, ქართული სახელმწიფოს და ქართველი ერის დამცირების კადრები მთელ მსოფლიოს აჩვენოს. დროშის სიმბოლური გადათელვა მხოლოდ დასაწყისი იყო!!! და აღავინ გაბედოს და თქვას, რომ ავაზაკი ივანიშვილი პუტინის პროექტი არ იყო!!!”, – წერს კვესიტაძე სოციალურ ქსელში.
სპეციალურმა პენიტენციურმა სამსახურმა ცოტა ხნის წინ მიხეილ სააკაშვილის მე-18 დაწესებულებაში შეყვანის კადრების გაასაჯაროვა.
„მაღალი საზოგადოებრივი ინტერესიდან გამომდინარე, ვასაჯაროვებთ ვიდეოკადრებს, რომელიც ასახავს №18 ბრალდებულთა და მსჯავრდებულთა სამკურნალო დაწესებულებაში პატიმარ მიხეილ სააკაშვილის შესახლებას, პალატაში განთავსებას და სააკაშვილის მიერ დაწყებულების თანამშრომლების მიმართ ფიზიკური შეურაცხყოფის მიყენების და სამედიცინო ტექნიკის დაზიანების ფაქტს. იუსტიციის სამინისტროს მხრიდან აღნიშნულ ფაქტს უკვე მოჰყვა შესაბამისი სამართლებრივი რეაგირება. იუსტიციის სამინისტროს გენერალურმა ინსპექციამ ფაქტზე გამოძიება დაიწყო“, – ნათქვამია პენიტენციური სამსახურის ინფორმაციაში.
იხილეთ ვიდეო:
https://www.facebook.com/watch/?ref=external&v=1061505497963689
https://mix.metronome.ge/23423-2/