დღეს გამართულ ბრიფინგზე „ლელოს“ გენერალურმა მდივანმა, ირაკლი კუპრაძემ განაცხადა, რომ კოალიცია „ძლიერი საქართველო“ თვითმმართველობის არჩევნებში მონაწილეობას მიიღებს.
აღნიშნულს „ფედერალისტების“ ლიდერი, თამარ ჩერგოლეიშვილი ეხმაურება.
„ფედერალისტების“ სახელით გიცხადებთ, რომ არაღიარების კამპანიის ფარგლებში ჩვენი სამიზნე იქნება არა მხოლოდ რეჟიმი, არამედ მისი კოლაბორანტებიც. ჩვენს ამომრჩეველს ინტელექტუალურ შეურაცხყოფას ვერ მივაყენებთ. რეჟიმის ნორმალიზაცია მის მიერ დანიშნული არჩევნებისთვის ლეგიტიმაციის მინიჭებით არასწორია და ეროვნულ ინტერესებს აზიანებს. რაც არასწორია, ის სამიზნეა. რაც ჩვენ გვაზიანებს, იმას ჩვენ დავაზიანებთ“, – წერს ის სოციალურ ქსელში.