პოლონეთის საგარეო საქმეთა მინისტრმა, რადოსლავ სიკორსკიმ აშშ-ის პრეზიდენტს, დონალდ ტრამპს მიმართა.
„გუშინ ღამით რუსეთის მასშტაბურმა თავდასხმამ ხანძარი და დიდი ზიანი გამოიწვია, მათ შორის დაზიანდა კიევში პოლონეთის საკონსულო. პრეზიდენტო ტრამპ, ვლადიმერ პუტინი თქვენს სამშვიდობო ძალისხმევას დასცინის. გთხოვთ, აღადგინოთ უკრაინისთვის საზენიტო საბრძოლო მასალის მიწოდება და დააწესოთ ახალი მკაცრი სანქციები აგრესორის წინააღმდეგ“, – წერს რადოსლავ სიკორსკი სოციალურ ქსელში.
შეგახსენებთ, დღეს კრემლის პრესსპიკერმა, დიმიტრი პესკოვმა თქვა, რომ რუსეთი აგრძელებს უკრაინაში თავისი „სპეცოპერაციის“ მიზნების მიღწევისთვის ბრძოლას.