ირანის საგარეო საქმეთა მინისტრმა, აბას არაღჩიმ, შტატების იერიშების შედეგად, ირანის ბირთვული ობიექტების მდგომარეობის შესახებ ისაუბრა.
„არავინ იცის, ზუსტად რა მოხდა ფორდოში. ამის მიუხედავად, ვიცით, რომ ობიექტები სერიოზულად და მძიმედ დაზიანდა. ირანის ატომური ენერგიის ორგანიზაცია ამჟამად ახორციელებს შეფასებას, რომლის ანგარიშსაც მთავრობას წარუდგენს“, – აღნიშნა არაღჩიმ.
შეგახსენებთ, „როიტერი” იუწყება, რომ აშშ-ის პრეზიდენტის, დონალდ ტრამპის თქმით, დარტყმებმა მთლიანად გაანადგურა ირანის ბირთვული პროგრამა, თუმცა აშშ-ის ოფიციალური პირები აცხადებენ, რომ შტატების იერიშების შედეგად მიყენებული ზიანის სრული შეფასების ჩამოყალიბებას დრო დასჭირდება.