ყოფილი დეკანოზი, თეოლოგი ბასილ კობახიძე “ფეისბუქის” პირად გვერდზე ექს-პრეზიდენტ მიხეილ სააკაშვილის რუსთავის #18 დაწესებულებაში გადაყვანის ფაქტთან დაკავშირებით წერს:
”ოცნების” ხელისუფლება, მხოლოდ საკუთარი მომხრეებისათვისაა ხელისუფლება და ვინც არ ემხრობა ისინი არამარტო მოქალაქეებად არ მიაჩნია, არამედ მათ მიმართ ჟენევის კონვენციასაც კი არ იცავს. შიმშილით სიკვდილის პირას მყოფი სააკაშვილი რომ მოსტაცეთ სად წაიყვანეთო და ”ოცნება” გია ვოლსკის ბირჟავიკული ინტონაციით პასუხობს: “ჰაა, რა იყო ვერტალიოტში ტრ@კში შეუქიქინებდა თუ რა? ახახახახა” და მისი პროპაგანდისტები: ახახახა, ფაფას მო*ვამდა რეზექცირებული კუჭიდან ახახახახა, არაუშავს დღეს ნაზიარებია და ურიგოდ ჩაიბარებს მიქელ-გაბრიელი, ახახახა” – ესენი ნორმალურები არაინ საერთოდ? ასეთი დამოკიდებულებით და განცხადებებით ხომ მთელ საჯარო სივრცეს რყვნიან და ფსკერს ახვრეტინებენ”, – წერს ბასილ კობახიძე სოციალურ ქსელში.
8 ნოემბერს, ექს-პრეზიდენტი მიხეილ სააკაშვილი რუსთავის მე-12 პენიტენციური დაწესებულებიდან გადაიყვანეს თბილისში, გლდანში მდებარე მე-18 სამკურნალო დაწესებულებაში. სააკაშვილმა მისი უფლებების დარღვევაზე ისაუბრა, ექს-პრეზიდენტის განაცხადებით, რუსთავის დაწესებულებიდან მოტყუებით წაიყვანეს და გლდანის დაწესებულებაში ძალის გამოყენებით მოათავსეს. მისივე ცნობით, ციხის სამკურნალო დაწესებულებაში გადაყვანის დროს ფიზიკური შეურაცხყოფაც მიაყენეს, კერძოდ, მანქანიდან ძალით გადმოათრიეს, მიწაზე გაათრიეს ჩაარტყეს კისერში და თმებით ათრიეს.
პენიტენციური სამსახურის მიერ გავრცელებული კადრებიდანაც ჩანს, რომ სააკაშვილი თავისი ხელით ალაგებს პირად ნივთებს და ტოვებს დაწესებულებას.
იუსტიციის მინისტრის რატი ბრეგაძის განცხადებით, მიხეილ სააკაშვილმა უწყების თანამშრომლებს ფიზიკური და სიტყვიერი შეურაცხყოფა მიაყენა. რომლის თანახმადაც, სააკაშვილმა ასევე ძვირადღირებული სამედიცინო ტექნიკაც დააზიანა. ამ ფაქტს ბრეგაძის თქმით, გენერალური ინსპექცია სწავლობს, რაზეც შესაბამისი რეაგირება იქნება. მისივე მტკიცებით, რუსთავის ციხიდან გლდანში გადაყვანისას არცერთი პროცედურა და ნორმა არ დარღვეულა.
https://mix.metronome.ge/23323-2/