“ირანს არაფერს არ შევთავაზებ” – რას აცხადებს დონალდ ტრამპი

უთხარით ყალბ დემოკრატ სენატორ კრის კუნსს, რომ მე ირანს არაფერს არ შევთავაზებ, – ამის შესახებ ამერიკის პრეზიდენტი, დონალდ ტრამპი სოციალურ ქსელში წერს.

ტრამპის თქმით, შეერთებულმა შტატებმა თეირანის ბირთვული ობიექტები მთლიანად გაანადგურა.

„უთხარით ყალბ დემოკრატ სენატორ კრის კუნსს, რომ მე ირანს არაფერს არ შევთავაზებ, ობამასგან განსხვავებით, რომელმაც მილიარდობით დოლარი გადაუხადა მათ იმ სულელური ერთობლივი ყოვლისმომცველი მოქმედების გეგმის ხელშეკრულების ფარგლებში, რომელიც ირანს ბირთვული იარაღის შექმნის შესაძლებლობას აძლევდა.

არც კი ვსაუბრობ მათთან, რადგან ჩვენ მთლიანად გავანადგურეთ მათი ბირთვული ობიექტები“, – წერს ტრამპი სოციალურ ქსელში.