„ჩვენ გვაქვს ორი მთავარი ქართული ოცნება…“ – რას აცხადებს ირაკლი კობახიძე?

ირაკლი კობახიძე პარლამენტის პლენარულ სხდომაზე ყოველწლიური მოხსენებით გამოვიდა.

ის სხვადასხვა საკითხს შეეხო.

„ჩვენ გვაქვს ორი მთავარი ქართული ოცნება – ეს არის ჩვენს ქვეყანაში სიღარიბის საბოლოოდ დაძლევა და ტერიტორიული მთლიანობის აღდგენა!“, – თქვა კობახიძემ.

„სიღარიბის დაძლევის მიმართულებით ძალიან სწრაფი ტემპით მივდივართ და საშუალოვადიან პერსპექტივაში მიზნის სრულად მიღწევის საშუალება გვექნება.

ჩვენი ეროვნული ოცნება არის ტერიტორიული მთლიანობის აღდგენა. საქართველოს მთავრობის მხრიდან ყველა ის ნაბიჯი იდგმება, რომელიც საბოლოო ჯამში, ამ ორი ქართული ოცნების ასრულებისკენ არის მიმართული.

დარწმუნებული ვარ, საერთო ძალისხმევით და გუნდური მუშაობით ყველა ეს მიზანი მიღწეული იქნება. გაგრძელდება ქვეყნის წინსვლა და განვითარება“, – განაცხადა მან.