პარტია „გირჩი-მეტი თავისუფლებას“ ლიდერებისა და წევრების მიერ სახელმწიფო უსაფრთხოების სამსახურის შენობასთან საყოფაცხოვრებო ნაგვის დაყრის ფაქტს, საქართველოს კულტურის პალატის პრეზიდენტი, დავით ოქიტაშვილი “ფეისბუქის” პირად გვერდზე ეხმაურება:
“ასე რამ გაგაცოფათ?! სახელმწიფო უსაფრთხოების სამსახურის ეზოში საყოფაცხოვრებო ნაგავი რომ დაყარეთ რამ? იმან ხომ არა რომ, ყველა თქვენი ბოროტული ზრახვები გაშიფრეს და ქვეყანა იხსნეს უბედურებისაგან?! ამან ხო?! ჯერ სად ხართ სად!!!
ეს ჟურნალი იყო თქვე მწამებლებო!!! მრავალსერიანი დოკუმენტური ფილმი წინ გაქვთ.
ჩემი მხარდაჭერა ჩვენ საამაყო ჯარისკაცებს, რომლებსაც წინ ნაგვებმა ნაგავი დაუყარეს”, – წერს ოქიტაშვილი სოციალურ ქსელში.
ცნობისთვის, პარტია „გირჩი – მეტი თავისუფლებას“ ლიდერმა და წევრებმა სახელმწიფო უსაფრთხოების სამსახურის შენობასთან აქცია-პერფორმანსი გამართეს. მათ საყოფაცხოვრებო ნაგავი მიიტანეს და სუს-ის შესასვლელთან დაყარეს.
როგორც „გირჩი – მეტი თავისუფლების“ ლიდერმა ჟურნალისტებთან განაცხადა, სახელმწიფო უსაფრთხოების სამსახური საქართველოში ყველაზე დიდი ბოროტების ადგილია.
ამასთან, ჯაფარიძის თქმით, მსგავსი პროტესტი განმეორებითი იქნება, მაგრამ შემდეგ ჯერზე უფრო მეტი რაოდენობის ნაგავს დაყრიან.