ხელოვნებათმცოდნე, კინოკრიტიკოსი, “რადიო თავისუფლების” ჟურნალისტი გოგი გვახარია “ფეისბუქის” პირად გვერდზე ქვეყანაში არსებულ ვითარებასთან დაკავშირებით წერს:
“62 ადამიანი გარდაიცვალა დღეს. მაგრამ მაინც ჯიუტად იმეორებენ საუკეთესოდ ვმართავთ სიტუაციასო.
გვიკვდება პრეზიდენტი, რომელსაც მინიმუმ ქვეყნის მოსახლეობის მესამედი უჭერს მხარს. და მასზე ხელისუფლება გვეუბნება ლიმონათს სვამსო, სპექტაკლს დგამსო.
მეხსიერება თუ არ მღალატობს კიტოვანი-იოსელიანიც კი ვერ ბედავდნენ ასე ექილიკათ ადამიანის სიცოცხლეზე.
ეს სტატუსი მხოლოდ იმიტომ დავდე, რომ ჩემნაირების უსუსურობა გამოვხატო. ძალიან არ შემრცხვეს მერე.
იმას კი, ვინც სიცოცხლის გადასარჩენად იბრძვის და იმედიანადაა, ჩემი უღრმესი პატივისცემა”, – წერს გვახარია სოციალურ ქსელში.