ირანის საგარეო საქმეთა მინისტრმა, აბას არაღჩიმ ისრაელთან მოლაპარაკებების საკითხზე განცხადება გააკეთა.
მისი თქმით, თეირანი არცერთ მხარესთან არ გამართავს მოლაპარაკებებს მანამ, სანამ ისრაელი ირანზე თავდასხმებს არ შეწყვეტს.
„აშშ-სთან მოლაპარაკებების ადგილი არ იქნება მანამ, სანამ ისრაელის აგრესია არ შეწყდება“, – აღნიშნა არაღჩიმ.
ამასთან, მან თქვა, რომ შეერთებულ შტატებს ირანის ბირთვული პროგრამის საკითხის განსახილველად მოლაპარაკებების მაგიდასთან დაბრუნება სურს, თუმცა თეირანმა ამ მოთხოვნაზე უარი განაცხადა.