“ტაბულას” დამფუძნებელი, ჟურნალისტი თამარ ჩერგოლეიშვილი პარალმენტის დამოუკიდებელ დეპუტატ თაკო ჩარკვიანს აკრიტიკებს, რომელმაც განაცხადა, ელენე ხოშტარიამ შიმშილობასთან დაკავშირებით სწორი გადაწყვეტილება მიიღო.
“ელენე ხოშტარიას პროტესტს მივესალმები” – ეს დებილი ბოროტმოქმედი!
თუ მიესალმები ადექი და იშიმშილე, იმას სამი მცირეწლოვანი შვილი ჰყავს.
სამარცხვინო ხალხია, სამარცხვინო”, – წერს ჩერგოლეიშვილი სოციალურ ქსელში, პოსტის კომენტარებში კი დასძენს: – “ახლა რომ დითირამბებს უწერენ და გუშინ რომ “ფუნდამენტური განსხვავებები” ჰქონდათ, მაგათაც ყველას უნდა წარმოსახვით კიბეზე აცოცება. არაფერი კეთილი მათ არ ამოძრავებთ. სხვის გვამზე ცეკვა უნდათ.
მიშას სჭირდებოდა, როცა “მიშას დაბრუნების მოძრაობას” ვერ ძრავდა პარტიაში –
მიშამ მიიბა ეს და გუბაზი ლიჩნი სპიკერებად, პარტიაში რომ ვერ ალაგებდა.
გუბაზს ყაზახეთის კანალზე დაჯდომა და მილიონი რომ უნდა თვითონ თქვა, და ეს შეურაცხადი მგონია – მანია გრანდიოზა აქვს.
მიშას შიმშილობის შეწყვეტას ვინც ეხვეწება, იგივე ხალხი მიესალმება ელენეს შიმშილობას.
მერე ჩემზე ბრაზობენ, უზნეო იდიოტებად გვთვლისო. და მე რა შუაში ვარ?” – დაწერა “ფეისბუქზე” ჩერგოლეიშვილმა.
პარტია „კანონი და სამართლის“ ლიდერმა თაკო ჩარკვიანმა განაცხადა, რომ ელენე ხოშტარიამ შიმშილობასთან დაკავშირებით სწორი გადაწყვეტილება მიიღო.
ამასთან, მისივე თქმით, სახელმწიფო არის მიტაცებული და ერთადერთი ფორმა, რითაც შეიძლება, სახელმწიფო დაიბრუნო, არის ჯანყი.
„ელენე ხოშტარიას პროტესტს მივესალმები, უფრო მეტიც, ეს არის ძალიან ვაჟკაცური და სწორი გადაწყვეტილება. ამ ყველაფერს შედეგი უნდა ჰქონდეს. გააჩნია, პროცესი როგორ გაგრძელდება. თუ არადა, ჩვენც შევუერთდებით და ეგ იქნება. სახელმწიფო არის მიტაცებული და რა ფორმაა ის, რითაც შეიძლება, სახელმწიფო დაიბრუნო? – ეს არის ერთადერთი ამბოხი, ჯანყი. ამ სიტყვის ძალიან ეშინიათ, სუსი-ს განცხადება ვნახე და სუს-ი კონვენციას ეწინააღმდეგება, რადგან კონვენციით მონიჭებული უფლებაა, კონვენციაში ასე წერია – ჯანყის უფლება. ეს არის არა შეიარაღება, არამედ დიდი რაოდენობის ხალხი სხვადასხვა ლოკაციაზე, არგაჩერება და პერმანენტული აქციები. ეს არის, რითაც შეიძლება, მიტაცებული სახელმწიფო დაიბრუნო”, – განაცხადა დეპუტატმა.
თაკო ჩარკვიანი ამბობს, რომ შესაძლოა, შიმშილობა თავადაც დაიწყოს.
შეგახსენებთ, რომ ელენე ხოშტარია შიმშილობს, რომელიც მხოლოდ წყალს იღებს. მისი თქმით, მანამდე იშიმშილებს, ვიდრე მიხეილ სააკაშვილს სამოქალაქო კლინიკაში არ გადაიყვანენ.