დღეს ბათუმის საქალაქო სასამართლოში „ნეტგაზეთისა“ და „ბათუმელების“ დაპატიმრებული დამფუძნებლის, მზია ამაღლობელის პროცესი გაიმართა.
მოსამართლე მარიანა ფომაევამ, სტიკერის გაკვრის ეპიზოდზე, ამაღლობელი 1000 ლარით დააჯარიმა.
შეგახსენებთ, მზია ამაღლობელი 2025 წლის 11 იანვარს დააკავეს.
მას ბრალი სისხლის სამართლის კოდექსის 353-ე პრიმა მუხლით აქვს წაყენებული, რაც პოლიციელზე თავდასხმას გულისხმობს. მას 4-დან 7 წლამდე პატიმრობა ემუქრება.
ბათუმის პოლიციის ხელმძღვანელის ირაკლი დგებუაძის თქმით, ამაღლობელის მიერ სილის გაწვნის შედეგად, მას ლოყისა და ყურის არეში სიწითლე აღენიშნებოდა.