შინაგან საქმეთა ყოფილი მინისტრი, ვახტანგ გომელაური პროკურატურაში მივიდა.
როგორც ცნობილი გახდა, ის ჩორჩანას ეპიზოდთან დაკავშირებით უნდა გამოიკითხოს.
პროკურატურაში შესვლამდე მან მედიასთან კომენტარი გააკეთა.
„მე რა თქმა უნდა წინააღმდეგი ვიყავი ჩორჩანაში საგუშაგოს ჩადგმით, რა თქმა უნდა, არ უნდა გაკეთებულიყო…
იქნებ ჩორჩანაზე არ მეკითხებიან და სხვა რამეზე დამიბარეს“, – განაცხადა გომელაურმა.
შეგახსენებთ, 2019 წლის აგვისტოში, აღნიშნული ოპერაციის დროს, როცა სოფელ ჩორჩანაში ქართული პოლიციის საგუშაგო გაიხსნა, გომელაური სახელმწიფო უსაფრთხოების სამსახურის უფროსის პოზიციას იკავებდა.