„ქართულმა ოცნებამ“ თავისი წარმომადგენლების შეურაცხყოფისთვის ჟურნალისტებს, პოლიტიკოსებსა და აქტივისტებს უჩივლა.
მათ შორის არიან ელენე ხოშტარია, ვახო სანაია, ვიკა ბუკია, თამარ ჩერგოლეიშვილი, ნანუკა ჟორჟოლიანი, გიორგი თუმასიანი, ანა სუბელიანი, მარიამ გეგუჩაძე სხვები.
ამასთან დაკავშირებით, დღეს, მედიასთან საუბრისას, თბილისის მერმა, კახა კალაძემ კომენტარი გააკეთა.
„კატეგორიულად მიუღებელია, რასაც ჩვენ ვისმენთ, ვხედავთ. ეს არის მიზანმიმართული ქმედებები. ჩვენ შეიძლება გვქონდეს სხვადასხვა პოლიტიკური შეხედულება, სხვადასხვა საკითხთან დაკავშირებით, განსხვავებული მოსაზრებები, მაგრამ ეს არ ნიშნავს იმას, რომ ერთმანეთს შეურაცხყოფა მივაყენოთ, ფიზიკურად გავუსწორდეთ და ა.შ. უნდა შევძლოთ ერთმანეთის აზრის მოსმენა, მიუხედავად იმისა, რომ შეიძლება გვქონდეს განსხვავებული მოსაზრებები. უნდა გვქონდეს ერთმანეთის პატივისცემა. ერთმანეთის მიმართ სიყვარულს არავინ ითხოვს, მაგრამ პატივისცემა უნდა გვქონდეს, სანამ ვართ პოლიტიკოსები,“ – განაცხადა მან.