თბილისის საქალაქო სასამართლოში პოლიციელზე თავდასხმაში ბრალდებულ 21 წლის მათე დევიძის სასამართლო პროცესი მიმდინარეობს.
ამ წუთებში მოსამართლე ნინო გალუსტაშვილი გადაწყვეტილების მისაღებად არის გასული.
პროცესს ესწრება საქართველოს მეხუთე პრეზიდენტი სალომე ზურაბიშვილი.
ცოტა ხნის წინ, სასამართლოდან სოციალურ ქსელში მან პოსტი გამოაქვეყნა.
„ოცადგილიან დარბაზში რომ ჩანიშნავ მათე დევიძეს საზოგადოებისთვის მაღალი ინტერესის მატარებელ სასამართლოს, ეს უკვე რეჟიმის შიშის ნიშანია !
21 წლის ბიჭი “ სინათლის მაძიებელი” უფრო ძლიერი აღმოჩნდა ვიდრე შუშისთვალებაპ როკურორი, მოსამართლე და ის პოლიციელები ვისაც “ეტკინათ” “სიწითლე აღმოუჩნდათ”.
მათე მაგალითად დარჩება სინდისის და ღირსების. პატარა ბიჭი არა სრულწლოვანი შესული ციხეში, 7 თვის მერე დადგა კაცად, და გვიჩვენებს ყველას სიმართლის გზას!“, – წერს ის.
შეგახსენებთ, პროცესის დატოვებამდე მათე დევიძემ განაცხადა: „მაპატიეთ მეგობრებო, მაგრამ მე უნდა დავტოვო დარბაზი, არ შემიძლია ამ გადაეყვეტილების მოსმენა.