„ეს ადგილი, შესაძლოა, საშიშ ზონად იქცეს… ამას არ დავუშვებთ!“ – რას აცხადებს დონალდ ტრამპი?

აშშ-ის პრეზიდენტი დონალდ ტრამპი ადასტურებს ინფორმაციას, რომ ახლო აღმოსავლეთიდან პერსონალის ევაკუაცია ხდება.

მედიის კითხვაზე – რატომ ხდება მათი ევაკუაცია? –

ტრამპმა უპასუხა, რომ ეს ადგილი, შესაძლოა, სახიფათო გახდეს.

„ეს ადგილი, შესაძლოა, საშიშ ზონად იქცეს. დაველოდოთ მოვლენებს. ირანს არ უნდა ჰქონდეს ბირთვული იარაღი. ამას არ დავუშვებთ“, – აღნიშნა ტრამპმა.

შეგახსენებთ, „როიტერი“ ანონიმურ წყაროებზე დაყრდნობით წერდა, რომ აშშ ერაყში მდებარე საელჩოს ნაწილობრივი ევაკუაციისთვის ემზადებოდა და სამხედროების ოჯახის წევრებს განუცხადეს, რომ ერაყის დატოვების საშუალებას აძლევდნენ.