ოპოზიციონერი პოლიტიკოსების, ჟურნალისტებისა და სამოქალაქო აქტივისტების სასამართლოში დაბარებას ნანუკა ჟორჟოლიანი “ტვ პირველის” ეთერში აფასება და ამბობს, რომ სავარაუდოდ, ივანიშვილი დიდი ამბის გადაფარვას ცდილობს.
ტელეწამყვანი ვარაუდობს, რომ ივანიშვილის გუნდის ასეთი ქმედება შესაძლოა ირაკლი ოქრუაშვილის, მათე დევიძის, 8 პატიმრის ხვალინდელ სასამართლო პროცესს უკავშირდებოდეს.
მეტიც, ნანუკა ჟორჟოლიანი არ გამორიცხავს, რომ უახლოეს საათებში ირაკლი ოქრუაშვილს რამდენიმე-წლიანი პატიმრიბა მიუსაჯონ.
“მე დარწმუნებული ვარ, რომ “ქართული ოცნება” რაღაცას ფარავს. ხვალ არის ირაკლი ოქრუაშვილის სასამართლო პროცესი. მე სოლიდარული ვარ. არსებობს ეჭვი, რომ მას წარმოუდგენლად დიდ პატიმრობას ელოდება, რომელსაც ის არ ელოდება. მეორე, ხვალ დილით არის 8 პატიმრის პროცესი და ყველაზე მნიშვნელოვანი, მათე დევიძე. ხვალ შესაძლოა მათე დევიძის საქმეზე მოსამართლემ გამოიტანოს განაჩენი. ეს არის ბიჭი, რომელმაც პროცესზე ერთადერთი წინადადება თქვა და ისიც ის, რომ გიტარა ენატრება. ხვალ “ქართული ოცნება” რაღაცას ფარავს, რადგან ეს ისტერიული ფაღარათი, რომელიც დღეს გაიმართეს, გამორიცხულია რაღაცისკენ მიმართული არ იყოს. ახლა მწერენ, რომ ხვალ ირაკლი ოქრუაშვილს 7-წლიან პატიმრობას უსჯიან”. – განაცხადა ნანუკა ჟორჟოლიანმა.
თეა წულუკიანის ე.წ. საგამოძიებო კომისიაზე გამოუცხადებლობისთვის დაკისრებული ჯარიმის არ გადახდის გამო, ირაკლი ოქრუაშვილს აღკვეთი ღონისძიების სახით პატიმრობა შეეფარდა.
ცნობისთვის, სასამართლოში დაიბარეს ნანუკა ჟორჟოლიანის, რომელსაც ქართული ოცნების დეპუტატი მარიამ ლაშხი Facebook-ზე დაწერილი პოსტის გამო უჩივის. ასევე, ნინო წილოსანის “შეურაცხყოფის” საბაბით, სასამართლოში დაიბარეს აქტივისტი ანა სუბელიანიც. გარდა ამისა, სასამართლოში ეკა მიშველაძე, ელენე ხოშტარია, დეა მამისეიშვილი, ვიკა ბუკია და ანი სუბელიანი დაიბარეს.