მაგდა ანიკაშვილიც კი გადადგა – ნიკა გვარამია

“მთავარი არხის” გენერალური დირექტორი, ნიკა გვარამია ტელეკომპანია „იმედის“ დაკვეთით „გორბის“ მიერ ჩატარებული ეგზიტპოლის შედეგებს “ფეისბუქის” პირად გვერდზე შემდეგნაირად ეხმაურება:

“გორბიმ” ისეთი ციფრები დადო “იმედზე”, მაგდა ანიკაშვილიც კი გადადგა” – წერს გვარამია სოციალურ ქსელში.

ტელეკომპანია „იმედის“ დაკვეთით „გორბის“ მიერ ჩატარებული ეგზიტპოლის მიხედვით, 18:00 საათის მონაცემებით, თბილისში „ქართული ოცნების“ მერობის კანდიდატმა კახა კალაძემ 57,2% -იანი მხარდაჭერა მიიღო. რაც შეეხება „ერთიანი ნაციონალური მოძრაობის“ მერობის კანდიდატ ნიკა მელიას, მას მხარი ამომრჩეველთა 42.8%-მა დაუჭირა.

რაც შეეხება სხვა ქალაქებს, „გორბის“ მიერ ჩატარებული ეგზიტპოლის მიხედვით, დანარჩენ 3 დიდ თვითმმართველ ქალაქში მონაცემები ასე გადანაწილდა:

ბათუმი – „ქართული ოცნება“, არჩილ ჩიქოვანი – 50,8%, „ნაციონალური მოძრაობა“, გიორგი კირთაძე 49,2%;

ქუთაისი – “ქართული ოცნება”, იოსებ ხახალეიშვილი – 51,9%, “ნაციონალური მოძრაობა”, ხატია დეკანოიძე 48,1%;

რუსთავი – “ქართული ოცნება”, ნინო ლაცაბიძე – 53,8%, “ნაციონალური მოძრაობა”, დავით კირკიტაძე 46,2%.

“მთავარი არხის” დაკვეთით, კომპანია “ანოვას” მიერ საქართველოს 5 ქალაქში ჩატარებული ეგზიტპოლის შედეგები კი ასეთია:

თბილისი:

ნიკა მელია (“ნაციონალური მოძრაობა”) – 51%;
კახა კალაძე (“ქართული ოცნება”) – 49 %

ზუგდიდი:

ანზორ მელია (“ნაციონალური მოძრაობა”) – 53 %;
მამუკა წოწერია (“ქართული ოცნება”) – 47 %.

რუსთავი:

დავით კირკიტაძე (“ნაციონალური მოძრაობა”) – 53%;
ნინო ლაცაბიძე (“ქართული ოცნება”) – 47%.

ქუთაისი

ხატია დეკანოიძე (“ნაციონალური მოძრაობა”) – 53 %;
იოსებ ხახალეიშვილი (“ქართული ოცნება”) – 47 %.

ბათუმი

გიორგი კირთაძე (“ნაციონალური მოძრაობა”) – 51 %;
არჩილ ჩიქოვანი (“ქართული ოცნება”) – 49%.

აღნიშნული შედეგები ასახავს 18:00 საათის მონაცემებს.