აშშ-ის პრეზიდენტ დონალდ ტრამპთან დაპირისპირების ფონზე, რუსეთი, ამერიკელ მილიარდერ ილონ მასკს პოლიტიკურ თავშესაფარს სთავაზობს.
პროპაგანდისტულ მედია TASS-თან საუბრისას დუმის საერთაშორისო საქმეთა კომიტეტის თავმჯდომარის მოადგილემ, დიმიტრი ნოვიკოვმა განაცხადა, რომ საჭიროების შემთხვევაში რუსეთს მასკის პოლიტიკური თავშესაფრით უზრუნველყოფა შეუძლია.
“მე ვფიქრობ, რომ მასკი სრულიად განსხვავებულ თამაშს თამაშობს – მას არანაირი პოლიტიკური თავშესაფარი არ დასჭირდება, თუმცა თუ ეს ასე მოხდა, რუსეთს, რა თქმა უნდა, შეუძლია მისი უზრუნველყოფა”, – განაცხადა ნოვიკოვმა.
ცნობისთვის, დონალდ ტრამპსა და ილონ მასკს შორის უთანხმმოება ამ უკანასკნელის მიერ თანამდებობის დატოვების შემდეგ დაიწყო. ტრამპმა განაცხადამ რომ ილონით იმედგაცრუებულია. კერძოდ, მან დაამატა, რომ “გაკვირვებულია საბიუჯეტო კანონპროექტის შესახებ ილონ მასკის კომენტარებით”. ამასთან, დონალდ ტრამპმა თქვა, რომ ის პენსილვანიის შტატს ილონ მასკის გარეშეც მოიგებდა. ამაზე, ილონ მასკმა განაცხადა, რომ მის გარეშე ტრამპი არჩევნებს წააგებდა, რაზეც ტრამპმა დაწერა, რომ ილონ მასკი “ჭკუიდან შეიშალა”.