ფოტოხელოვანი გოგა ჩანადირი, ჩოგბურთელ ნიკოლოზ ბასილაშვილის თბილისის მერობის კანდიდატ, კახა კალაძის მხარდაჭერის საკითხს “ფეისბუქის” პირად გვერდზე ეხმაურება და წერს, სანამ ძალადობასთან დაკავშირებით სპორტსმენის სასამართლო პროცესი არ დასრულდება, მისი საარჩევნო რეკლამაში გამოჩენა მართებული არ არის.
“მიუხედავად იმისა, რომ ძალიან ვგულშემატკივრობ ჩოგბურთელ ნიკა ბასილაშვილს, თვალს ვადევნებ მის გამოსვლებსა და შრომისმოყვარეობას, რაც ძალიან მახარებს, მაინც, ვფიქრობ, რომ ვიდრე ძალადობასთან დაკავშირებით სასამართლო პროცესი არ დასრულდება, მის წინასაარჩევნო და სხვა სახის რეკლამებში გამოჩენა სწორი არ არის.
სიმართლე იციან ყიფილმა მეუღლეებმა ნეკამ და ნიკამ. ვის მიმართ გვაქვს პირადი სიმპატიები, ამან სიმართლის დადგენას ხელი არ უნდა შეუშალოს.
უმჯობესია, სასამართლოს გადაწყვეტილებას დაველოდოთ.
და კიდევ, უაღრესად მნიშვნელოვანია მათი საერთო შვილის, ლუკასის ინტერესების დაცვა, რაც, მგონია, რომ საკმარისად დაცული არ არის”, – წერს ჩანადირი სოციალურ ქსელში, პოსტის კომენტარებში კი დასძენს: – “ძალიან ძნელია ეკამათო ადამიანს, რომელიც ერთმნიშვნელოვნად მხარეა ან წაკითხულის გააზრება უჭირს ან არ აინტერესებს სასამართლო და წინასწარი განწყობით საკუთარი განაჩენი გამოაქვს.
ძალადობრივი საზოგადოებაც ასე ყალიბდება”
ჩვეულებრივი პრაქტიკაა, რომ გამოძიება-სასამართლოს დასრულებამდე პირს სამსახურში მუშაობას უჩერებენ. ბოლო ასეთი შემთხვევა იყო სააკაშვილთან დაკავშირებით უკრაინაში, როცა მისი საზღვრიდან არალეგალურად წასვლის გამო, საქმიანობა რამდენინე მესაზღვრეს შეუჩერა.
მე არ ცამბობ, რომ ნიკას სპორტული საქმიანობა შეუჩერდეს. პირიქით, ვხარიბ მისი წარმატებებით და თვალს ვადევნებ.
მე ვლაპარაკობ პოლიტიკურ რეკლამებზე. თუ ნიკას გამოსვლა ნახეთ, ეს იყო რეკლამა და არა – აზრის გამოხატვა.
ორმაგ სტანდარტებს რას ეძახით?
ეს ჩემი სტილი არ არის. ვის პლოტრეკლამაშიც არ უნდა ყოგილიყო, იმავეს დავწერდი.”
“როგორი ადვილია მიუღებელი აზრის დემაგოგობად და აბსურდად მონათვლა.
არ მიკვირს ძალადობის წამხალისებელი საზოგადოებისგან.
ჯერ ერთი, ისედაც არ მომწონს მოქმედი სპორტსმენების პოლიტიკური მიზნით გამოყენება არც ერთი პოლიტსუბიექტის მხრიდან. მეორეც, სხვებსაც რომ გამოეყენებინათ ნიკოლოზი, პოლიტიკური რეკლამისთვის, იმავეს დავწერდი.
მესამეც, როცა ლაშა ტალახაძე ლანძღეს იმიტომ, რომ პრემიერ გახარიასთან ფოტო გადაიღო, სწორედ მე ვიყავი ერთ-ერთი პირველი, ვინც ჩემსავე გვერდზე დავიცავი.
მეოთხეც ჩემი ღრმა რწმენით, ადამიანი, რომელსაც ძალადობაში ადანაშაულებენ და სასამართლოს მისი გამამართლებელი განაჩენი არ გამოუტანია, საჯარო მხარეობასა და რეკლამას უნდა მოერიდოს თუნდაც იმიტომ, რომ ამით სამართლიან გადაწყვეტილებას ხელი არ შეეშალოს.
ერთი წუთით წარმოიდგინეთ, თქვენი ძვირფასი ადამიანი მეორეს ძალადობაში ადანაშაულებდეს და არ ჰქონდეს სიმართლის დამტკიცების საშუალება მხოლოდ იმიტომ, რომ ბრალდებული რომელიმე პარტიის მომხრეა.
დროა, ვისწავლოთ სასამართლოს განაჩენამდე პასუხისმგებლობის გამოჩენა.
მე არც ერთ მხარეს წარმოვადგენ და არამხოლოდ ნიკოლოზის შემთხვევა, სხვა მსგავსსაც გავაპროტესტებ რომელი პარტიისა მომხრე თუ სოციალური მდგომარეობისაც უნდა იყოს.”
ცნობისთვის, ჩოგბურთელი, ნიკოლოზ ბასილაშვილი კახა კალაძეს 30 ოქტომბრის არჩევნებში მხარდაჭერას უცხადებს.
https://mix.metronome.ge/22927-2/