კახა კალაძე საქართველოში აშშ-ის ელჩის, რობინ დანიგანის გადადგომას ეხმიანება და ჟურნალისტებთან საუბრისას აცხადებს, რომ ეს საოცარი წასვლა იყო.
მისივე თქმით, ბევრი კითხვა არსებობს მის ამგვარ წასვლასთან დაკავშირებით.
“საოცარი წასვლა იყო. ბევრი კითხვა არსებობს მის ამგვარ წასვლასთან დაკავშირებით. საქართველოს ხელისუფლება მზად არის ურთიერთობების გადატვირთვისთვის. ჩვენთვის მთავარია ამერიკის შეერთებულ შტატებთან სტრატეგიული პარტნიორობა, მეგობრობა, ეს კი ორმხრივი უნდა იყოს. აღნიშნულ პროცესში არსებობდნენ ადამიანები, ვინც ხელს უშლიდნენ, არასწორ ინფორმაციას აწვდიდნენ ადმინისტრაციას, თეთრზე შავს ამბობდნენ, თუმცა დარწმუნებული ვარ, რადიკალურად შეიცვლება ყველაფერი. პრეზიდენტ ტრამპს აქვს პრიორიტეტები დასახული – “დიფ სთეითის” დამარცხება, ომის დასრულება, რასაც მივესალმებით და ვგულშემატკივრობთ მას,” – თქვა კალაძემ.
შეგახსენებთ, რობინ დანიგანმა საქართველოში აშშ-ის ელჩის პოსტი დატოვა.
როგორც აშშ-ის საელჩოს ინფორმაციაში ნათქვამი, , დანიგანმა პენსიაზე გასვლის გადაწყვეტილება მიიღო.