გუშინ, ღამის საათებში, თბილისში, გურამიშვილის გამზირზე, მეტროსადგურ „ღრმაღელის“ მიმდებარე ტერიტორიაზე, სამი მამაკაცი ცივი იარაღით დაჭრეს, მათგან ერთი საავადმყოფოში გადაყვანის შემდეგ დაიღუპა.
ამასთან დაკავშირებით, შინაგან საქმეთა სამინისტრო განცხადებას ავრცელებს.
„შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, ორი ან ორზე მეტი პირის მიმართ, დამამძიმებელ გარემოებაში ჩადენილი განზრახ მკვლელობის მცდელობის ბრალდებით 1985 წელს დაბადებული ზ.ფ. დააკავეს.
დანაშაული 20 წლამდე ან უვადო თავისუფლების აღკვეთას ითვალისწინებს“, – აღნიშნულია უწყების მიერ გავრცელებულ ინფორმაციაში.