გუშინ მედიაში გავრცელდა ინფორმაცია, რომლის მიხედვითაც, კახა კალაძე ახალ კომპანიას – „კალა კაპიტალ თბილისს“ – აფუძნებს.
ახალი კომპანიის დაარსების მიზეზთან დაკავშირებით, მან დღეს მედიის კითხვას უპასუხა:
„ეს არ არის პირველი კომპანია, რომელიც საკუთრებაში მაქვს. ეს აღნიშნულია დეკლარაციაში. შესაბამისად, როდესაც კანონს მიუთითებთ და კანონის ენით მესაუბრებით, ჩემი თხოვნა იქნება, კარგად წაიკითხოთ ეს ყველაფერი და შემდეგ დასვათ შეკითხვები.
რაც შეეხება აღნიშნულ კომპანიას და საქმიანობას, რაც იდეაში გვაქვს, ეს არის საპილოტე პროექტი და რამდენად გამოვა, ამას ვნახავთ. ეს არის ჩემი ჰობი, ბავშვობიდან გატაცება იყო. ამის სურვილი ყოველთვის მქონდა და ვაპირებ ახალგაზრდებთან ერთად განვახორციელო აღნიშნული პროექტი. რამდენად გამოგვივა არ ვიცი, ვნახოთ. ეს არის ძველი ავტომობილების რესტავრაცია და საერთაშორისო არენაზე მათი გაყვანა. რამდენად გამოგვივა, არ ვიცი. საკმაოდ ნიჭიერი ადამიანები იქნებიან ჩართულები და ვნახოთ, როგორ იმუშავებს“, – თქვა კალაძემ.