საქართველოს მეხუთე პრეზიდენტი, სალომე ზურაბიშვილი „ქართულმა ოცნების“ მიერ „ტვ პირველისა“ და „მთავარი არხის” წინააღმდეგ კომუნიკაციების ეროვნულ კომისიაში საჩივრის შეტანას სოციალური ქსელით ეხმაურება.
„დარჩენილი ორი კრიტიკულად განწყობილი ტელეარხისთვის ცენზურის დაწესება, რაც მძიმე ჯარიმებისთვის და მაუწყებლობის ლიცენზიების შეჩერებისთვის ნიადაგს ამზადებს, ივანიშვილის რეჟიმის კიდევ ერთი ახალი ნაბიჯია, რომლითაც რუსეთს ჰბაძავს და მის დირექტივებს ემორჩილება. აშშ-სა და ევროკავშირს რეგირებისკენ მოვუწოდებ!“, – წერს ის.
შეგახსენებთ, პარტია მოითხოვს, “მაუწყებლობის შესახებ” კანონით განსაზღვრული ახალი ნორმების დარღვევისთვის პასუხისმგებლობა დაეკისროთ აღნიშნულ ტელევიზიებს და სანქცირების აღსრულების დროებითი წესი ამოქმედდეს.
ორივე შემთხვევაში მომჩივანი ადვოკატი ნათია ბოკუჩავაა, რომელსაც სარჩელის წარსადგენად ირაკლი კობახიძის მინდობილობა ჰქონდა.