“მელიას პროცესისთვის ჩაკეტეს ჭიშკარი და არავის გვიშვებენ…” – რას წერს ხატია დეკანოიძე

თბილისის საქალაქო სასამართლოსთან, სადაც ნიკა მელიას პროცესი უნდა დაიწყოს, დიდი რაოდენობით საპოლიციო ძალების მობილიზაციაა.

ხატია დეკანოიძის თქმით, პროცესისთვის ჩაკეტეს ჭიშკარი და ადგილზე არავის უშვებენ.

“მელიას პროცესისთვის ჩაკეტეს ჭიშკარი და არავის გვიშვებენ.
იგივე, რაც ზურას პროცესზე მოხდა…” – წერს დეკანოიძე.

დღეს, 14:00 საათზე “კოალიცია ცვლილებისთვის” ერთ-ერთი ლიდერის, ნიკა მელიას წინასასამართლო სხდომა გაიმართება. მელიას თეა წულუკიანის კომისიაზე გამოუცხადებლობის გამო 50 000-ლარიანი გირაო აქვს შეფარდებული, რომლის გადახდის ვადაც 30 მაისის 00:00 საათამდე ჰქონდა.

შეგახსენებთ, ნიკა მელია 29 მაისის საღამოს, ლისის ტბის ასახვევთან დააკავეს. როგორც შსს ამბობს, დაკავებას კავშირი არ ჰქონდა გირაოს გადაუხდელობასთან და ის პოლიციელის შეურაცხყოფისთვის დააკავეს.