შალვა პაპუაშვილი ბიძინა ივანიშვილთან დაკავშირებით, საქართველოში აშშ-ის საელჩოს მიერ გავრცელებულ განცხადებას პასუხობს.
„იმის ნაცვლად, რომ აშშ-ს საელჩოს პრეზიდენტ ტრამპის მილოცვა გამოექვეყნებინა, რაღაც გაუგებარი პოსტი დადეს, რომელიც პარტია ქართულ ოცნებას ეძღვნება. რაღაცნაირად, ისეთ აღქმას ტოვებს, რომ სურვილი იყო, ტრამპის პოზიტიური გზავნილები დაჩრდილულიყო.
ცოტა არ იყოს, გასაკვირია, რომ საელჩო წერილს დღემდე არ ასაჯაროებს და ეს მისი პრაქტიკის საწინააღმდეგოდ ხდება […] არ ვიცი, ალბათ, ამასაც განმარტება სჭირდება“, – აღნიშნავს პაპუაშვილი.
აშშ-ის საელჩოს გუშინდელი განცხადება იხილეთ ბმულზე.
შეგახსენებთ, ორი დღის წინ გავრცელდა შტატების პრეზიდენტის გზავნილი მიხეილ ყაველაშვილისადმი, რომელიც 26 მაისის მილოცვას უკავშირდებოდა.