აშშ-ის მთავრობის ეფექტიანობის დეპარტამენტის (DOGE) ხელმძღვანელი, გამომგონებელი, ბიზნესმენი ილონ მასკი სახელმწიფო სამსახურს ტოვებს.
მასკმა სოციალურ ქსელ X-ში დაწერა, რომ მისი, როგორც სპეციალური სახელმწიფო მოხელის, უფლებამოსილების ვადა იწურება. მასკმა პრეზიდენტ ტრამპს მადლობა გადაუხადა იმისთვის, რომ ზედმეტი ხარჯების შემცირების შესაძლებლობა მისცა.
ის აცხადებს, რომ მთავრობის ეფექტიანობის დეპარტამენტის მისია დროთა განმავლობაში მხოლოდ გაძლიერდება, რადგან მთელი მთავრობის ცხოვრების წესად იქცევა.