აშშ-ის პრეზიდენტის, დონალდ ტრამპის განცხადებით, კანადა განიხილავს, რომ „ოქროს გუმბათის“ უფასო მომსახურების სანაცვლოდ, აშშ-ის 51-ე შტატი გახდეს.
„მე კანადას, რომელსაც ძალიან სურს, ჩვენი ზღაპრული „ოქროს გუმბათის“ სისტემის ნაწილი გახდეს, ვუთხარი, რომ 61 მილიარდი დოლარი დაუჯდებათ, თუ ისინი ცალკე, მაგრამ არათანაბარ ერად დარჩებიან, მაგრამ ნული დოლარი დაუჯდებათ, თუ ისინი ჩვენი საყვარელი 51-ე შტატი გახდებიან. ისინი შეთავაზებას განიხილავენ!“, – აღნიშნა ტრამპმა.
ტრამპმა არაერთხელ ისაუბრა კანადის აშშ-ის 51-ე შტატად გახდომის შესახებ, რასაც კანადის ოფიციალური პირები კატეგორიულად უარყოფენ.
ქვეყნის პრემიერ-მინისტრმა, მარკ კარნიმ ამ თვის დასაწყისში განუცხადა, რომ მისი ქვეყანა არასდროს გაიყიდება.