„ერთიანობა ნაციონალური მოძრაობის“ წევრი, ლევან ხაბეიშვილი ვახტანგ გომელაურის გადადგომას ეხმიანება და ამბობს: “კიდევ ერთი ადამიანი/სათამაშო მოისროლა ივანიშვილმა. ჩვენი მიზანი კი უნდა იყოს მხოლოდ ერთი: ივანიშვილის დამხობა თავის სათამაშოებთან ერთად”.
ხაბეიშვილის თქმით, გომელაურს წასასვლელი არსად აღარ აქვს, რადგან „მაგნიტსკის“ სიაშია.
[ …]გომელაურის დრო დადგა, წასასვლელიც არ აქვს ოღონდ არსად, ევროპაშიც ვერ წავა, „მაგნიტსკის“ სიაშია, აშშ-იც ვერ წავა, ტერორისტების და მკვლელების სიაში ჰყავს შეყვანილი აშშ-ს, ივანიშვილს ეს არ აინტერესებს და მოისროლა „ნახმარი ნაჭერივით“ და ეს ელის ყველას, კოლექტიურ სირაძეებს, ხარებებს, ივანიშვილი ვერ იტანს ნახმარ სათამაშოებს და ახლა სურს ახალი სათამაშოებით შეავსოს დე-ფაქტო მთავრობა.
ახალი მინისტრი [გელა გელაძე] არის მდინარაძის ლობირებით, იმას მიაღწია, რომ თვითონ თუ არ დანიშნეს მინისტრად, მისი ლობირების ქვეშ მაინც დაინიშნა კონკრეტული ადამიანი, თუმცა ეს არის სათამაშოებით თამაში და უნდა გვესმოდეს, რომ მთავარი მიზანი ივანიშვილის დამხობა უნდა იყოს, მის სათამაშოებთან ერთად“,– განაცხადა ლევან ხაბეიშვილმა.
შეგახსენებთ, შს მინისტრის თანამდებობა დატოვა ვახტანგ გომელაურმა და მის ადგილას გელა გელაძე დაინიშნა.