Politico-ს ცნობით, მოსამართლემ აშშ-ის პრეზიდენტის, დონალდ ტრამპის ადმინისტრაციის მიერ ჰარვარდში უცხოელი სტუდენტების ჩარიცხვის აკრძალვის შესახებ მიღებული გადაწყვეტილება დროებით დაბლოკა.
ფედერალურმა მოსამართლემ, ალისონ ბეროუზმა დონალდ ტრამპის ადმინისტრაციის ბრძანების დროებით დაბლოკვის შესახებ ჰარვარდის უნივერსიტეტის მოთხოვნა მას შემდეგ დააკმაყოფილა, რაც უნივერსიტეტმა აშშ-ის შიდა უსაფრთხოების დეპარტამენტის წინააღმდეგ სასამართლოში სარჩელი შეიტანა.
ჰარვარდის უნივერსიტეტი აშშ-ის პრეზიდენტის ადმინისტრაციას არაკონსტიტუციურ შურისძიებაში ადანაშაულებს.
შეგახსენებთ, გუშინ აშშ-ის პრეზიდენტის, დონალდ ტრამპის ადმინისტრაციამ ჰარვარდის უნივერსიტეტს უცხოელი სტუდენტების მიღების უფლებამოსილება გაუუქმა.
აშშ-ის შიდა უსაფრთხოების მდივანმა, კრისტი ნოემმა სოციალურ ქსელში დაწერა, რომ ადმინისტრაციამ ჰარვარდის „სტუდენტური და გაცვლითი პროგრამის ვიზიტორთა პროგრამის“ სერტიფიკატი კანონის შეუსრულებლობის გამო გააუქმა.
ამასთან, ამერიკულმა სასამართლომ იდენტური გადაწყვეტილება მიიღო „ამერიკის ხმის“ საქმესთან დაკავშირებით.