რუსთავის N12 პენიტენციურ დაწესებულებასთან სააკაშვილის მოწინააღმდეგეთა მიერ გამართულ აქციას, პარტია „სამართლიანობისთვის“თავმჯდომარე, იურისტი ეკა ბესელია “ფეისბუქის” პირად გვერდზე ეხმაურება:
“ყველა კატეგორიის დასაცავი მყოლია ჩემს ხანგრძლივ, საინტერესო საადვოკატო პრაქტიკის დროს, მაგრამ არ მყოლია დასაცავთა შორის, ვინც ციხესთან დადგებოდა და მოშიმშილე, სიკვდილის პირას მყოფ ადამიანს (როგორც არ უნდა გეჯავრებოდეს) დედას აგინებდა მიკროფონთან მდგომი…
და ეს არაა ორგანიზებული მართული აქცია?
და კოლექტიური ცნობილი გინება – ბადრის რა – ახლა ამით რომ შეცვალეთ ეს მორალურია?!
ეს რა კაცობაა… ეს რა ადამიანობაა და ეს საერთოდ რა არის ხალხოოო…”, – წერს ბესელია სოციალურ ქსელში.
ცნობისთვის, გუშინ, 25 ოქტომბერს, რუსთავის მე-12 პენიტენციურ დაწესებულებასთან ქუთაისიდან მიხეილ სააკაშვილის საწინააღმდეგო აქციისთვის ჩავიდნენ.
აქციის მონაწილეთა განცხადებით, მათი მიზანია ხმა მიაწვდინონ მიხეილ სააკაშვილს და გააგებინონ, რომ არჩევნები „ნაციონალური მოძრაობის“ მარცხით დასრულდება. მათივე თქმით, ისინი ქუთაისიდან საკუთარი ინიციატივით ჩამოვიდნენ.
საქართველოს ექს-პრეზიდენტი, მიხეილ სააკაშვილი 1-ელ ოქტომბერს დააკავეს. ყოფილი პრეზიდენტი უკვე 26-ე დღეა შიმშილობს.
https://mix.metronome.ge/%e1%83%96%e1%83%90%e1%83%9a%e1%83%98%e1%83%99%e1%83%9d-%e1%83%91%e1%83%94%e1%83%a0%e1%83%92%e1%83%94%e1%83%a0%e1%83%98%e1%83%a1-%e1%83%aa%e1%83%94%e1%83%99%e1%83%95%e1%83%90-%e1%83%a0%e1%83%9d/