საქართველოში ევროკავშირის დელეგაციის წევრის, საიმონ ვანდერბრუკის ქვეყანაში არ შემოშვებაზე საქართველოს საგარეო უწყება კომენტარს აკეთებს და ამბობს, რომ ტექნიკური გაუგებრობის ბრალი იყო.
„ადგილი ჰქონდა ტექნიკურ გაუგებრობას. აღნიშნულზე ევროკავშირის მხარესთან გვქონდა კომუნიკაცია, რის შესახებაც მათ განემარტათ და საკითხი ამოწურულია” – აცხადებენ სამინისტროში.
ცოტა ხნის წინ საქართველოში ევროკავშირის წარმომადგენლობამ განაცხადა, რომ 21 მაისს, თბილისის აეროპორტში ჩასვლისთანავე, ევროკავშირის წარმომადგენლობის ერთ-ერთ წევრს ქვეყანაში შესვლის უფლება არ მიეცა.
როგორც ევროკავშირის წარმომადგნელობა ამბობს, “საქართველოს ხელისუფლებამ სიტყვიერი ბოდიში მოიხადა სამწუხარო ინციდენტის გამო და დაადასტურა, რომ თანამშრომელს შეუძლია დაბრუნდეს თავის სამუშაო ადგილზე.“