„ძარცვა და იარაღის უკანონო შენახვა“ – იტალიაში ქართველი დააკავეს

ადგილობრივი მედიის ცნობით, იტალიაში, ქალაქ ბოლცანოში ძარცვისა და იარაღის უკანონო შენახვის ბრალდებით საქართველოს მოქალაქე დააკავეს.

იტალიური გამოცემა წერს, რომ 43 წლის გ.დ.-მ მაღაზიაში ყოფნისას ქურთუკსა და შარვალში საქონლის დამალვა სცადა, პერსონალის მიერ ფაქტის აღმოჩენის შემდეგ კაცმა გაქცევა სცადა და მათ წინააღმდეგ წიწაკის სპრეი გამოიყენა, თუმცა თანამშრომლებმა პოლიციის მისვლამდე მისი დაკავება მოახერხეს.

„ძალადობის კიდევ ერთი სერიოზული ეპიზოდი, ჩადენილი განმეორებითი დამნაშავის მიერ, რომელმაც, საერთაშორისო დაცვის სტატუსის გამოყენებით, არაერთხელ აჩვენა, რომ არ სურს ჩვენს ქვეყანაში ინტეგრაცია, არღვევს მის კანონებს და სამოქალაქო თანაარსებობის ყველაზე ძირითად წესებს“, – განაცხადა პოლიციის კომისარმა.