“მთავარის” ინფორმაციით, კახეთში, კრიმინალური ავტორიტეტის, მალხაზ ბადუაშვილის ძმისშვილი ნოდარ ბადუაშვილი დააკავეს. არსებული ინფორმაციით, მას კაჭრეთში მანქანა გაუფუჭდა, რა დროსაც პოლიციამ აიყვანა.
ნოდარ ბადუაშვილის ადვოკატი, მაია უტიაშვილი ამბობს, რომ მას იარაღი პოლიციამ ჩაუდო.
დაკავებული ამ დროისთვის გურჯაანის პოლიციაშია გადაყვანილი.
ცნობისთვის, კრიმინალური ავტორიტეტი მალხაზ ბადუაშვილი წარსულში მკვლელობისთვის არაერთხელაა ნასამართლევი. ის ახლაც საპატიმროშია.