მიშას ხულიგნობასაც ტენიან! – ასე ეხმაურება ჟურნალისტი თენგო გოგოტიშვილი, პენიტენციური სამსახური განმარტებას, როგორ მოახერხა მიხეილ სააკაშვილმა გუშინ დაწესებულების გარეთ შეკრებილებისთვის მიემართა.
“ტიპმა ციხის აბაზანიდან ჩაგიტარათ მიტინგი პირდაპირ ეთერში.
გაეშვით რა, არაა თქვენი საკბილო ეგ კაცი.
კარტოფილის ელიტურ თესლს მიხედეთ” , – წერს თენგო გოგოტიშვილი სოციალურ ქსელში.
პენიტენციური სამსახურის მიერ გავრცელებული განცხადებაშის თანახმად, მიხეილ სააკაშვილს გუშინ, შხაპის მიღება უწევდა და შესაბამისი მოთხოვნის შემდეგ დაწესებულების მოსამსახურეებმა საშხაპე ოთახში გაიყვანეს, სადაც მათ შესვლა კანონით ეკრძალებათ.
უწყება განმარტავს, რომ მიხეილ სააკაშვილმა სწორედ ამ გარემოებით ისარგებლა და დაწესებულების გარეთ შეკრებილებს გადაძახილით მიმართა, რითაც დაწესებულების შინაგანაწესი დაარღვია.
„მედიასაშუალებებით გავრცელებულ კადრებთან დაკავშირებით განვმარტავთ, რომ ბრალდებულ/მსჯავრდებულ მიხეილ სააკაშვილს საკანი არ შეუცვლია და იმყოფება იმ საკანში, სადაც თავდაპირველად მოთავსდა.
ინფორმაციისთვის: დაწესებულების დებულების თანახმად, მიხეილ სააკაშვილს დღეს შხაპის მიღება უწევდა და შესაბამისი მოთხოვნის შემდეგ დაწესებულების მოსამსახურეებმა საშხაპე ოთახში გაიყვანეს.
საშხაპე ოთახში დაწესებულების მოსამსახურეებს შესვლა კანონით ეკრძალებათ და ისინი პატიმარს ოთახის გარეთ, დერეფანში ელოდებოდნენ. მიხეილ სააკაშვილმა სწორედ ამ გარემოებით ისარგებლა და დაწესებულების გარეთ შეკრებილებს გადაძახილით მიმართა, რითაც დაარღვია დაწესებულების შინაგანაწესი; კერძოდ, „№12 პენიტენციური დაწესებულების დებულების დამტკიცების შესახებ“ საქართველოს იუსტიციის მინისტრის 2020 წლის 1 მაისის №526 ბრძანების 79-ე მუხლის პირველი პუნქტის „კ“ ქვეპუნქტის თანახმად, ხმაური ან სხვაგვარი ქმედება, რომელიც არღვევს წესრიგს და ხელს უშლის დაწესებულების ნორმალურ ფუნქციონირებას, მიიჩნევა დისციპლინურ დარღვევად, არღვევს დაწესებულების დებულებას, ზიანს აყენებს წესრიგსა და უსაფრთხოებას.
დაწესებულების მოსამსახურეებმა მიხეილ სააკაშვილის უკანონო ქმედება მყისიერად აღკვეთეს და კანონმდებლობით განსაზღვრული შესაბამისი რეაგირება მოახდინეს”, – აღნიშნულია განცხადებაში.
https://mix.metronome.ge/%e1%83%95%e1%83%a0%e1%83%aa%e1%83%94%e1%83%9a%e1%83%93%e1%83%94%e1%83%91%e1%83%90-%e1%83%9b%e1%83%98%e1%83%ae%e1%83%94%e1%83%98%e1%83%9a-%e1%83%a1%e1%83%90%e1%83%90%e1%83%99%e1%83%90%e1%83%a8%e1%83%95/