პოლიტიკოსი რომან გოცირიძე სოციალურ ქსელში პოსტს აქვეყნებს.
ის აშშ-ის მიერ სირიისთვის სანქციების გაუქმებას და აღნიშნული გადაწყვეტილების საქართველოსთან მიმართებას ეხება.
„ტრამპმა სირიას სანქციები გაუუქმა. ეს იმას ნიშნავს, რომ მალე იგი ამერიკის მთავრობისაგან ფინანასურ მხარდაჭერასაც მიიღებს. ამას ერთმა გარემოებამ შეიძლება შეუშალოს ხელი-ამერიკის ბიუჯეტში ( ანუ საკანონმდებლო აქტში) ჯერ კიდევ ტრამპის პირველი პრეზიდენტობის დროს გაჩნდა ჩანაწერი, რომლის მიხედვითაც ვერცერთი ქვეყანა მიიღებდა ამერიკის ბიუჯეტიდან დახმარებას, თუ იგი აღიარებდა საქართველოს ოკუპირებულ ტერიტორიებს. გარდა ამისა, ამერიკა არც საერთაშორისო საფინანსო ორგანიზაციებში ( მსოფლიო ბანკი, სავალუტო ფონდი და ა. შ. ) დაუჭერს მხარს ამ ქვეყნებში პროგრამების განხორციელებას. ამან უდიდესი როლი ითამაშა არაღიარების საქმეში. ამ აქტის მიღების შემდეგ არცერთ ქვეყანას უღიარებია აფხაზეთი და ცხინვალის რეგიონი, ზოგიერთმა კი (ტუვალუ, ვანუატუ) გააუქმა აღიარების გადაწყვეტილება.
ამერკის შეერთებულ შტატებში საბიუჯეტო წელი იწყება 1 ოქტომბერს. მანამდე ეს გადაწყვეტილება ძალაშია, ამავე დროს საჭიროა მასზე ყურადღების გამახვილება, რათა არ მოხდეს მისი იგნორირება.
როცა ქვეყანას დასავლეთის მხრიდან ნდობის მქონე ხელისუფლება არა ჰყავს, ოპოზიცია ვალდებულია მსგავს საკითხებს მიაქციოს ყურადღება. საჭიროა ამერიკის ადმინინისტრაციასთან (საელჩოსთან) ამ თემაზე საუბარი. სირიამ უარი უნდა თქვას ამ რეგიონების აღიარებაზე“, – წერს გოცირიძე.