ბეიჯინგში გამართულ პრესკონფერენციაზე სიტყვით გამოსვლისას, ბრაზილიის პრეზიდენტი, ლუის ინასიო ლულა და სილვა რუსეთ-უკრაინის მოლაპარაკებების საკითხს გამოეხმაურა.
„ვეცდები პუტინს დაველაპარაკო. ვეტყვი: “ჰეი, ამხანაგო პუტინ, ჩადი სტამბოლში და მოლაპარაკებები დაიწყე, თუ ღმერთი გწამს“, – თქვა მან.
შეგახსენებთ, ხუთშაბათს, სტამბულში, 15 მაისს უკრაინა-რუსეთის მოლაპარაკებებია დაგეგმილი.
თურქეთში მიემგზავრება ვოლოდიმირ ზელენსკი, რომელიც პუტინთან შეხვედრას მოითხოვს, თუმცა ამ დრომდე უცნობია, ჩავა თუ არა რუსეთის პრეზიდენტი მოლაპარაკებებზე.