სეტყვამ ახმეტის მუნიციპალიტეტის სოფელი მატანი დააზარალა – როგორც მუნიციპალიტეტის მერმა ალექსი ფიცხელაურმა განაცხადა, ზარალს შესაბამისი სამსახურები დაითვლიან.
დაზიანებულია სასოფლო სამეურნეო სავარგულების ნაწილი. ადგილობრივების თქმით, უამინდობა რამდენიმე წუთს გრძელდებოდა. ძირითადად დაზიანებულია საკარმიდამო ნაკვეთები. უხვი ნალექის შედეგად კი სანიაღვრე არხებმა, წყლის ნაკადი ვერ გაატარა და რამდენიმე სახლი დატბორა.