კოალიცია „ძლიერი საქართველოს“ ლიდერი, ლევან ბერძენიშვილი ირაკლი კობახიძის მიერ აშშ-ის პრეზიდენტის, დონალდ ტრამპისა და ვიცე-პრეზიდენტის, ჯეი დი ვენსისთვის მიწერილ ღია წერილს სოციალური ქსელით ეხმაურება.
„ბიძინას “ოცნება” აგონიაშია, კობახიძეს ღია წერილებს აწერინებს, მას მერე რაც ორბანმა არ გაუმართლა და ე.წ ვიცე-პრემიერს ამერიკაში არავინ შეხვდა. ბიძინა და მისი მარიონეტები გამოკვეთილი დიფსთეიტია, ამ სიტყვის სრული მნიშვნელობით.
ამერიკის დიფსთეითს ებრძვის, თურმე, ბიძინა, რომელსაც ქვეყნის ყველა დემოკრატიული ინსტიტუცია მიტაცებული აქვს, მოპარული აქვს არჩევნები და ქვეყანას კომუნისტური, მასიური კორუფციული სისტემით მართავს.
მალე დამთავრდება ეს მარაზმი ქვეყანაში, ვერ დაალაგეთ და ვერც დაალაგებთ ვერავისთან!
ქვეყანა იზოლაციაში მოაქციეთ და განვითარების პერსპექტივა დაუკარგეთ.
ახალი არჩევნები და პოლიტპატიმრების გათავისუფლება – ეს არის პოლიტიკური გადატვირთვის ერთადერთი გზა!“, – წერს ის.
კობახიძის წერილი იხილეთ ბმულზე.