“ეს არის ის დღე, როცა ჩვენ ყველა უნდა დავდგეთ და ვთქვათ, რომ ჩვენ გადავარჩენთ თავისუფლებას და დამოუკიდებლობას” – აცხადებს მეხუთე პრეზიდენტი სალომე ზურაბიშვილი დამოუკიდებლობის დღეს, 26 მაისს დაგეგმილ მასშტაბურ ღონისძიებასთან დაკავშირებით.
სალომე ზურაბიშვილის თქმით, გამარჯვება და ევროპის გზაზე დაბრუნება არის აბსოლუტურად გარდაუვალი.
„ყველა კარგად გრძნობს, რომ ჩვენი თავისუფლება იწყება და მთავრდება ევროპასთან. არანაირი თავისუფლება, არანაირი კეთილდღეობა, არანაირი მშვიდობა რუსეთთან ერთად არ არსებობს. ჩვენი გზა არის იმდენად ნათელი, რომ ხალხი მოდის ისე, რომ არავინ არ მოუწოდებს. ეს ხალხი მოდის, აქ იდგება და გამარჯვება და დაბრუნება ევროპის გზაზე არის აბსოლუტურად გარდაუვალი. ამას ვერავინ ვერ შეეწინააღმდეგება“, – განაცხადა სალომე ზურაბიშვილმა.