მოჰყვა თუ არა რაიმე რეაგირება სამ სავაჭრო ცენტრში ბომბის შესაძლო არსებობის საფრთხის შესახებ აშშ-ის საელჩოს მიერ გავრცელებულ განცხადებას, მთავარი კომენტარისთვის “ისთ ფოინთს” დაუკავშირდა, სადაც განაცხადეს, რომ ამ ეტაპზე ევაკუაცია გამოცხადებული არაა.
“მივყვებით შესაბამისი სამსახურების ინსტრუქციას და მათთან ვთანამშრომლობთ… ამ ეტაპზე ევაკუაცია არ არის გამოცხადებული. ჩვენთან მსგავსი შეტყობინება არ შემოსულა.” – აცხადებს “ისთ ფოინთის” წარმომადგენელი.
ცნობისთვის, ცოტა ხნის წინ საქართველოში აშშ-ის საელჩომ განცხადება გაავრცელა, რომლითაც საკუთარ მოქალაქეები თბილისის სამ სავაჭრო ცენტრში, ისთ ფოინთში, გალერეა თბილისსა და თბილისი მოლში ბომბის არსებობის საფრთხის შესახებ გააფრთხილა.