გუშინ აშშ-ის წარმომადგენელთა პალატამ „MEGOBARI აქტს“ მხარი დაუჭირა.
აღნიშნულთან დაკავშირებით, მედიასთან კომენტარი ირაკლი კობახიძემ გააკეთა.
„ძალიან მოკლედ გიპასუხებთ MEGOBARI ACT-თან დაკავშირებით, რომელიც სინამდვილეში არის აბსოლუტურად მტრული აქტი და აქ ვლინდება ორუელისეული მიდგომა, რომ მეგობარი არის მტერი, ომი არის მშვიდობა და ა.შ. ამის გაგრძელებაა. როგორ შეიძლება, მეგობარი აქტი ერქვას აქტს, რომელიც თავიდან ბოლომდე ქართველი ხალხის მიმართ და ქართველი ხალხის მიერ არჩეული ხელისუფლების მიმართ მტრული დამოკიდებულებით არის გამსჭვალული.
ეს არის, რა თქმა უნდა, მტრული აქტი. გრძელდება ბრძოლა ტრამპსა და Deep State-ს შორის. როდესაც ხდება ასეთი გადაწყვეტილების მიღება, ეს ნიშნავს, რომ კონკრეტულ მომენტში Deep State-მა ასე ვთქვათ სძლია ტრამპის ადმინისტრაციას. ეს ვიხილეთ ჩვენ ამ ორიოდე დღის წინ.
გვაქვს ჯერ კიდევ ოპტიმისტური მოლოდინი, რომ ტრამპის ადმინისტრაცია დაამარცხებს Deep State-ს. თუ ასე მოხდება, დალაგდება ურთიერთობები საქართველოსა და აშშ-სთან. არიან ადამიანები, რომლებიც არიან არა პრეზიდენტ ტრამპის, არამედ Deep State-ის გავლენის ქვეშ. ჯო უილსონი მაგალითად, ჯო უილსონი არის თავიდან ბოლომდე Deep State. ამ შემთხვევაში გაიმარჯვა Deep State-მა. მაგრამ მე მაქვს ოპტიმისტური მოლოდინი, რომ პრეზიდენტი ტრამპი აჯობებს Deep State-ს”, – განაცხადა კობახიძემ.
შეგახსენებთ, რესპუბლიკელი სენატორი ჯო იულსონი „MEGOBARI აქტის“ ერთ-ერთი მთავარი ინიციატორია.