იუსტიციის მინისტრი პაატა სალია გარდაცვლილ პატიმარფ იოსებ გორაძის გარდაცვალების ფაქტს ეხმაურება და ამბობს, რომ პატიმარმა დაზიანებები დაცემის შედეგად მიიღო.
“გამოქვეყნებული ვიდეომასალით აშკარად დასტურდება, რომ პაციენტს, აწ გარდაცვლილ პირს სახეზე არ აღენიშნებოდა რაიმე დაზიანებები და ის მძიმე დაზიანება, რომელიც მან თავის არეში მიიღო, სავარაუდოდ, დაცემის შედეგად, ამას გამოძიება დაადგენს და შესაბამისი ექსპერტიზების შემდეგ გახდება ცნობილი. სწორედ ამ დაცემის შედეგად მიიღო პატიმარმა ის დაზიანებები, რომლებიც, შემდგომ, სამწუხაროდ სასიკვდილო აღმოჩნდა”. თქვა სალიამ “ოცნების” მედიასთან კომენტარში.
შეგახსენებთ, 4 მაისს,კლინიკა “ვივამედში” დაზიანებებით გადაყვანილი 46 წლის პატიმარი, იოსებ გორგაძე გარდაიცვალა. 46 წლის იოსებ გორგაძე კლინიკა “ვივა მედში” გლდანის მე-8 დაწესებულებიდან, მძიმე დაზიანებებით იანვარში გადაიყვანეს. ამ დროის განმავლობაში ის კომაში იმყოფებოდა.
იუსტიციის სამინისტრომ დღეს აღნიშნულ საქმეზე, ციხის კამერების დამონტაჟებული ჩანაწერი გამოაქვეყნა.