2025 წლის მაისში არაერთი მნიშვნელოვანი ასტროლოგიური მოვლენა გველოდება, რაც გავლენას თითოეულ ადამიანზე მოახდენს. ზოგიერთისთვის ეს პერიოდი გამოცდად გადაიქცევა და მათ მნიშვნელოვანი გადაწყვეტილების მიღება მოუწევთ, ზოგი კი ნანატრ წარმატებასა და ფინანსურ ზრდას დაიმსახურებს. ასტროლოგებმა დაასახელეს ზოდიაქოს 3 ნიშანი, რომლებსაც მაისის დასაწყისში განსაკუთრებული იღბალი და ფინანსური წარმატება ელის:
კურო (21 აპრილი – 20 მაისი)
მერკური, კომუნიკაციისა და ინტელექტის პლანეტა, კუროს ფინანსურ საკითხებში წარმატებას მოუტანს. აღნიშნული პლანეტა თქვენს ნიშანში იქნება და სწორედ მერკურის გავლენით ადამიანებთან სწრაფ და ეფექტურ მოლაპარაკებებს შეძლებთ, დააჩქარებთ სამუშაოსთან, ბიზნესთან დაკავშირებული საკითხების მოგვარებას. თუმცა, საკუთარ ემოციებს ყურადღებით უნდა დააკვირდეთ. თვის დასაწყისში დიდ წარმატებასთან ერთად, შესაძლოა, ,,წარსულის აჩრდილებთან“ გამკლავება მოგიწიოთ, რაც მოულოდნელად გამოჩნდება თქვენს ცხოვრებაში.
ახალი შეთავაზებები და დაწინაურების პერსპექტივა კარგ ფინანსურ შესაძლებლობებს მოგიტანთ. ამიტომაც, ასტროლოგები გირჩევენ, რომ თანხის შენახვაზეც იზრუნოთ. მათი თქმით, შესაძლოა, თვის შუა რიცხვებში დაუგეგმავი ხარჯები შეგხვდეთ.
ტყუპები (21 მაისი – 20 ივნისი)
როგორც ასტროლოგები ამბობენ, ცხოვრების გარდამტეხ ეტაპს უახლოვდებით და სწორედ მაისის დასაწყისში, კარიერული და ფინანსური თვალსაზრისით, ძალიან დიდი წარმატება და იღბალი გელით. კომუნიკაცია გაცილებით გამარტივდება. იმ ამოცანების გადაჭრას კი, რომელთა შესრულებაც აქამდე გიჭირდათ, უპრობლემოდ შეძლებთ. საინტერესო ადამიანებს გაიცნობთ და წარმატების კიდევ ერთ კარს შეაღებთ.
შინაგანი ტრანსფორმაცია ცხოვრების ყველა სფეროში წარმატებისკენ გიბიძგებთ. რაც შემოსავლის ზრდას გამოიწვევს. მთავარია, ნაჩქარევი გადაწყვეტილებები არ მიიღოთ და თითოეული სიტუაცია კარგად შეაფასოთ.
ქალწული (23 აგვისტო – 22 სექტემბერი)
თვის დასაწყისში შეეცადეთ, დაისვენოთ და განიტვირთოთ. მხოლოდ ამ გზით შეძლებთ თვის განმავლობაში საკუთარი შესაძლებლობების სრულად წარმოჩენას და თქვენთვის სასურველ, საპასუხისმგებლო, მაგრამ საინტერესო საქმეებში ჩართვას. დიდი ალბათობით, ახალ შეთავაზებებს მიიღებთ, რაც ფინანსურ ზრდასა და დაწინაურებაში დაგეხმარებათ.
იღბალი მთელი ამ ხნის განმავლობაში თქვენს მხარეს იქნება, ამიტომ თავდაჯერებულად მიჰყევით სურვილებს და ნუ შეგეშინდებათ პასუხისმგებლობების. შესაძლოა, შემოსავლის დამატებითი წყარო სრულიად მოულოდნელად გამოჩნდეს.