ჟურნალისტი ნინო ჯანგირაშვილი “ფეისბუქის” პირად გვერდზე აქვეყნებს ფოტოებს, სადაც ასახულია საქართველოში რეგიონების მიხედვით, ინფიცირების შემთხვევების მაჩვენებელი და წერს:
“ეს ორი ფოტო არის მონაცემები საქართველოს რეგიონების მიხედვით ინფიცირების რაოდენობის. ჯამური მონაცემი თითქმის ერთნაირია. ერთი არის 3 აგვისტოსი, მეორე არის 17 ოქტომბრის. დააკვირდით რეგიონებს. თუ ადრე თბილისს ინფიცირებულთა რაოდენობაში თითქმის ნახევარი ეკუთვნოდახოლმე და აჭარაშიც მძიმე მდგომარეობა იყო, ახლა თბილისში და აჭარაში ინფიცირების შემთხვევები აშკარად შემცირებულია. სამაგიეროდ ჩემპიონები არიან კახეთი და იმერეთი. იცით რატომ? თბილისი პირველ ადგილზეა საქართველოში აცრილი მოსახლეობის პროცენტით, მეორე ადგილზე აჭარა. იმერეთი და კახეთი კი მაჩანჩალები არიან აცრებში. ნუთუ, ასეთი ძნელია იმის გაგება, რომ 2+2=4?,” – წერს ჯანგირაშვილი სოციალურ ქსელში.
