უნდა ვაღიარო-არც მიშას ჩამოსვლის მჯეროდა და არც ამდენ ხალხს ველოდი დღეს თავისუფლების მოედანზე, ” – ასე ეხმაურება ჟურნალისტი ინგა გრიგოლია “ფეისბუქის” პირად გვერდზე 14, ოქტომბერს თავისუფლების მოედანზე გამართულ მიხეილ სააკაშვილის მხარდამჭერ აქციას.
,,ქართულო ოცნებავ”, – აი, ეს მოახერხეთ თქვენ, თქვენი მმართველობით, ხალხის მტრებად გამოცხადებით, ჩვენი გარიყვით გაღმა ნაპირზე, ჟურნალისტების დასისხლიანებით, ზეწოლებით, დაშინებებით, პოლიტიკური პროკურატურით, პოლიტიკური სასამართლოთი, ქვეყნის ჭაობად ქცევით, ბრეჟნევისდროინდელი ტიპის უძრაობის ხანით, ადამიანების დატერორებით. თავისუფალ ადამიანებთან ომით, უიმედობის დათესვით და რაც მთავარია, დასავლეთის ორბიტიდან ქვეყნის ასე დაშორებით….
მართლა აღარ მეგონა, ამდენ ადამიანს თუ ვნახავდი თავისუფლების მოედანზე,” – წერს გრიგოლია სოციალურ ქსელში.
გუშინ, 14 ოქტომბერს, თბილისში, თავისუფლების მოედანზე მიხეილ სააკაშვილის მხარდამჭერი აქცია გაიმართა.
აქცია-კონცერტი ექს-პრეზიდენტის გათავისუფლების მოთხოვნით 18:00 საათზე დაიწყო. “თავისუფლება მიშას” – ეს სიტყვები დააწერეს საქართველოს სახელმწიფო დროშებსაც, რომლებიც მოედანზე სააკაშვილის ფოტოებთან ერთად გამოფინეს, აქციაზე სიმბოლურად წითელი ვარდებიც გამოჩნდა.
შეკრება მიხეილ სააკაშვილის წერილობითი მიმართვით დაიწყო. სიტყვით გამოვიდნენ, როგორც “ნაციონალური მოძრაობის” ლიდერები, ისე საზოგადოებისთვის ცნობილი სახეები. როგორც ცნობილია, აქციას მიხეილ სააკაშვილი რუსთავის ციხიდან ადევნებდა თვალს.
https://mix.metronome.ge/22438-2/