26 აპრილს რუსეთის სამთავრობო მედიამ გაავრცელა ინფორმაცია, რომ McDonald’s-მა რუსეთის სამთავრობო სააგენტოში, როსპატენტში სავაჭრო ნიშნის “McDonald’s”-ის რეგისტრაციის განაცხადი შეიტანა. McDonald’s-ი რუსეთის ბაზარზე დაბრუნებას უარყოფს. კომპანია აცხადებს, რომ სავაჭრო ნიშნის რეგისტრაციის განაცხადი მხოლოდ იმ მიზნით შეიტანა, რომ ინტელექტუალური საკუთრება დაიცვას და სხვა კომპანიებს რესტორნების ქსელის ბრენდის გამოყენება აუკრძალოს.
“ჩვენ ამას ვაკეთებთ ჩვენი ბრენდის დასაცავად და რუსეთში მესამე მხარის ბიზნესებისა და პირების მიერ საკუთარი მიზნებისთვის ჩვენი სავაჭრო ნიშნის გამოყენების თავიდან ასაცილებლად” – წერია კომპანიის განცხადებაში.