„მივაბრძანებთ თავის საფრანგეთში და იქ გააგრძელოს [ლიდერობა] თუ შნო აქვს…“ – ზარქუა სალომე ზურაბიშვილზე

„ქართული ოცნების“ წევრმა, ირაკლი ზარქუამ საქართველოს მეხუთე პრეზიდენტის, სალომე ზურაბიშვილის შესახებ მედიასთან კომენტარი გააკეთა.

„მავნებელთა ლიდერი გახდა, უსამშობლოთა ლიდერი გახდა და ამ სტატუსით მივაბრძანებთ თავის საფრანგეთში და იყოს იქ და იქ გააგრძელოს თუ შნო აქვს, ერთი ადგილი. უვიზო მიმოსვლა თუ თავისუფლებაა, ჩვენ ვირჩევთ თავისუფლებას- იმედია, ეს საკითხი ასე არასდროს დადგება. ჩვენ ყველაფერს ვაკეთებთ, რომ იმ ევროპულ ღირებულებებს მხარი ავუბათ, გვერდში დავუდგეთ და მაქსიმალურად დავიცვათ. საქართველოსთან მუქარას და შანტაჟს როგორც აქამდე არ გაუჭრია, არც მომავალში გაჭრის“, – აღნიშნავს ზარქუა.

შეგახსენებთ, ბოლო დღეებში აქტუალური გახდა ევროკავშირის მიერ საქართველოს მოქალაქეებისთვის სავიზო ლიბერალიზაციის შესაძლო გაუქმების საკითხი.

ცოტა ხნის წინ, ზურაბიშვილმა გამართულ ბრიფინგზე განაცხადა, რომ ვიზალიბერალიცაზიის შეწყვეტა „ოცნების“ მიზანია.